“Qarabağ”ın rəqibi 11 dəqiqəyə 3 qol vurdu
Fransa Liqa-1-də 4-cü turun oyunları keçirilir. Msport.az xəbər verir ki, “Qarabağ”ın Avropa Liqasındakı rəqibi “Nant” öz meydanında “Tuluza” ilə qarşılaşıb.
“Sarılar” bu mövsüm ilk qələbələrini qazanıblar. Antuan Kombuarenin komandası fasiləyə 0:1 məğlub getsə də, ikinci hissədə geridönüş edə bilib – 3:1. Meydan sahiblərinin heyətində Evan Quessand, Mozes Simon və Qalatasaray”dan transfer olunmuş Mustafa Mohammed fərqlənib.
4 oyundan sonra 5 xal toplayan “Nant” 9-cu yeri tutur.
