"Qarabağ"la oyunda dubl edən hücumçu "Yuventus"a keçir
“Olimpik Marsel”in futbolçusu Arkadiuş Milik “Yuventus”a keçir.
Msport.az xəbər verir ki, Turin klubu polşalı hücumçunu 1 illik icarəyə götürəcək. Bir illik icarə “Qoca sinyora”ya 1 milyon avroya başa gələcək. Əgər “Yuve” 28 yaşlı forvardın transfer hüquqlarına yiyələnmək istəsə, daha 7 milyon avro ödəməlidir.
Milik artıq Turinə gəlib və tibbi müayinədən keçəcək.
Hücumçu 2021-ci ilin yanvarında “Marsel”ə transfer olunmuşdu. O, Fransa klubunun heyətində 55 oyunda 30 qol vurub və 3 məhsuldar ötürmə verib.
Milik ötən mövsüm UEFA Konfrans Liqasının “Qarabağ”la pley-off matçında (3:1) “Velodrom”da dubl etmişdi.
