Riçard Almeydanın 60-cı qolu
Riçard Almeyda “Qarabağ”ın heyətində 60-cı qolunu vurub.
Msport.az xəbər verir ki, millimizlə bu yaxınlarda vidalaşan yarımmüdafiəçi Azərbaycan Premyer Liqasının XXXV turunda fərqlənib.
O, “Sumqayıt”la ev görüşündə (1:2) rəqib qapısına yol tapıb. Braziliyalı futbolçu Ağdam klubunun heyətində Azərbaycan çempionatında 47, avrokuboklarda 8, ölkə kubokunda 5 qola imza atıb.
Almeyda “Qarabağ”ın heyətində 2012/13 mövsümündə debüt edib. O, ilk qolu da “Sumqayıt”ın qapısından keçirib. Yarımmüdafiəçi 2012-ci il avqustun 12-də səfərdəki qarşılaşmada (6:1) fərqlənib.
