“Sabah”ın cəriməsi ləğv olundu
AFFA-nın Apellyasiya Arbitraj Tribunalı “Sabah” klubunun şikayətini təmin edib.
Msport.az qurumun rəsmi saytına istinadən xəbər verir ki, AFFA İntizam Komitəsinin noyabrın 3-də paytaxt təmsilçisinə verdiyi 4000 manatlıq cərimə ləğv olunub.
Xatırladaq ki, Azərbaycan Premyer Liqasının 12-ci turunda keçirilmiş “Sabah” – “Qəbələ” (2:1) görüşündə hər iki komandanın azarkeşləri arasında kütləvi intizamsızlıq baş verib, fanatlar iğtişaş törədiklərinə görə klublar ayrı-ayrılıqda 4000 manat cərimə edilmişdi.
