"Santyaqo Bernabeu" belə olacaq - "Real" görüntüləri paylaşdı- VİDEO
“Santyaqo Bernabeu” stadionunda yenidənqurma işləri başa çatmaq üzrədir. Msport.az “Real”ın rəsmi saytına istinadən xəbər verir ki, Madrid klubu sentyabrın 3-də öz meydanında “Betis”i qəbul edəcək. Arenada bütün işlər isə gələn mövsümün əvvəlində tam yekunlaşacaq.
Stadionda tamaşaçı sayı 82 minə qədər artırılacaq. Bundan başqa, “Santyaqo Bernabeu”da artıq tennis, basketbol yarışları keçirmək mümkün olacaq, konsertlər keçiriləcək. Bütün bunlar müasir texnologiyanın sayəsində mümkün olacaq. Belə ki, həmin vaxt qazon müvəqqəti olaraq qaldırılacaq.
