"Turan Tovuz" legioner hücumçu ilə danışıq aparır
Albaniyanın “Skenderbeu” klubunun futbolçusu Belaydi Pusi “Turan Tovuz”la danışıqlar aparır.
Msport.az-ın məlumatına görə, bu barədə 25 yaşlı hücumçu yerli mətbuata açıqlamasında deyib.
Forvard hələlik Tovuz təmsilçisi ilə razılıq əldə olunmadığını bildirib.
Qeyd edək ki, daha əvvəl ölkəsində “Vlazniya”nın şərəfini qoruyan Belaydi Pusi 2020-ci ildən bu yana çıxış etdiyi “Skenderbeu”da 75 oyuna 11 qol vurub.
