Ümumdünya Şahmat Olimpiadası: Kişilər Litvaya məğlub oldu
Macarıstanın paytaxtı Budapeştdə Ümumdünya Şahmat Olimpiadası davam edir. Msport.az xəbər verir ki, bu gün 6-cı turun görüşləri keçirilib.
Kişilərdən ibarət Azərbaycan milli komandası Litvaya məğlub olub – 1,5 -2,5.
Yığmamızın heyətində yalnız Şəhriyar Məmmədov qalib gəlib. Aydın Süleymanlı görüşünü heç-heçə başa vurub. Nicat Abbasov və Məhəmməd Muradlı məğlubiyyətlə üzləşiblər.
5 turdan sonra 8 xal toplayan millimiz 9-cu yeri tutur.
Qadınlardan ibarət Azərbaycan seçmə komandası Vyetnam üzərində qələbə qazanıb – 2,5: 1,5.
Komandamızın heyətində Ülviyyə Fətəliyeva və Gövhər Beydullayeva rəqiblərini məğlub ediblər. Xanım Balacayevə heç-heçə edib, Günay Məmmədzadə isə uduzub.
5 turdan sonra 8 xal yığan yığmamız 11-ci yeri tutur.
