“Vestri” “Qarabağ”la oyundan əvvəl darmadağın oldu
“Qarabağ”ın UEFA Avropa Liqasının birinci təsnifat mərhələsindəki rəqibi “Vestri” İslandiya Birinci Liqasında növbəti oyununa çıxıb.
Msport.az xəbər verir ki, komanda 14-cü turun matçında öz meydanında “Fylkir”lə qarşılaşıb.
Görüş qonaqların 5:2 hesablı qələbəsi ilə başa çatıb. “Vestri”nin qollarını 49-cu dəqiqədə Tordur Haftorsson və 85-ci dəqiqədə penaltidən Qunnar Hauksson vurublar.
Bu məğlubiyyətdən sonra “Vestri” 14 oyundan sonra 21 xalla turnir cədvəlinin beşinci pilləsində qərarlaşıb.
Qeyd edək ki, Reykyavikdə keçiriləcək “Vestri” – “Qarabağ” oyunu iyulun 16-da, Bakı vaxtı ilə saat 00:00-da başlayacaq.
İlk matçda “Qarabağ” 3:0 hesabı ilə qələbə qazanıb.
