“Araz Naxçıvan” Türkiyədə 6 yoxlama oyunu keçirəcək
“Araz Naxçıvan” PFK təlim-məşq toplanışını davam etdirir.
Msport.az xəbər verir ki, sözügedən komanda hazırlığın ikinci mərhələsi üçün ötən gün Türkiyənin Ərzurum şəhərinə yollanıb.
“Palan” otelində məskunlaşan “qırmızı-ağlar” avqust ayının 16-dək qardaş ölkədə 6 yoxlama görüşü keçirməyi planlaşdırır.
Komanda avqustun 8-də “Amasyaspor”, 9-da “Erzincanspor”, 12-də “Hopaspor”, 13-də “Karakoçan”, 14-də “Elaziğspor”, 15-də isə “Erbaaspor” klubları ilə qarşılaşacaq.
