Avropa Kubokunu qazanan voleybolçularımız Vətənə qayıtdılar
Fransanın Montpelye şəhərində çimərlik voleybolu üzrə Avropa Kubokunun qalibi olan “Azərreyl” klubunun qadın və kişi komandaları Vətənə qayıdıblar.
Msport.az xəbər verir ki, çempionları Azərbaycan Voleybol Federasiyasının nümayəndələri, media mənsubları, azarkeşlər və idmançıların yaxınları qarşılayıblar.
16 klubun mübarizə apardığı turnirdə iştirak edən “Azərreyl”in qadın və kişilərdən ibarət komandaları bütün rəqiblərinə qalib gəliblər. Qadınlardan ibarət cütlük finalda Ukrayna “Sunrise Beach Spors Academy”sini, kişilər ibarət voleybolçular isə İspaniya “CVP Poniente Benidorm Alicante”ni məğlub ediblər.
