Azərbaycan çempionatında növbəti oyunların vaxtı açıqlandı
Qadın və kişi voleybolçular arasında Azərbaycan çempionatlarında növbəti oyunların keçiriləcəyi vaxt dəqiqləşib.
Msport.az xəbər verir ki, qadın voleybolçuların Yüksək Liqasında ikinci dövrəyə yanvarın 30-da start veriləcək.
Həmin gün 4-cü tur çərçivəsində “Murov” – “Azərreyl” və UNEC – “Abşeron” matçları baş tutacaq. Görüşlər müvafiq olaraq saat 16:00 və 18:00-da başlayacaq.
Yanvarın 31-də isə kişi voleybolçuların Yüksək Liqasında 2-ci turdan təxirə salınmış “Neftçi” – “Xarı bülbül” oyunu keçiriləcək. Bu qarşılaşma saat 16:00-da start götürəcək.
Oyunlar Voleybol Mərkəzində təşkil olunacaq.
