Azərbaycan çempionatında XI turun proqramı
Qadın voleybolçular arasında Azərbaycan çempionatında XI turun oyun cədvəli bəlli olub.
Msport.az xəbər verir ki, III dövrənin qarşılaşmaları yanvarın 30-31-də keçiriləcək.
Ayın 30-da “Milli Aviasiya Akademiyası” və “Gəncə” klubları üz-üzə gələcəklər. Bu matç saat 15:00-da start götürəcək.
Günün digər oyunu isə saat 18:00-da “Murov Az Terminal” və “Abşeron” komandaları arasında olacaq. Hər iki qarşılaşma Gənclər və İdman Nazirliyinin Voleybol Mərkəzində baş tutacaq.
Tura yanvarın 31-də “Azərreyl” – UNEC matçı ilə yekun vurulacaq. UNEC-in idman zalında təşkil olunacaq oyunun start fiti saat 18:00-da çalınacaq.
