"Azərbaycan millisi evdə yaxşı çıxış edir" - Estoniyanın baş məşqçisi
Estoniya yığmasının baş məşqçisi Tomas Haberli Azərbaycan millisinə qarşı keçiriləcək AVRO-2024-ün seçmə mərhələ oyunundan öncə mətbuat konfransı keçirib.
Msport.az xəbər verir ki, 49 yaşlı mütəxəssis matça ciddi hazırlaşdıqlarını deyib:
“Üzərimizdə adi təzyiq var. Qrupumuzdakı digər 3 komanda güclüdür. Buna baxmayaraq, uğurlu nəticə qazanmağa çalışacağıq. Heyətlə bağlı yekun qərarı bu gün axşam verəcəyik”.
Haberli belə oyunlarda soyuqqanlı olmağın vacibliyini qeyd edib:
Azərbaycan millisi evdə yaxşı oynayır.
“Səbirli olmaq vacibdir. Bəzən 70, bəzən 80 dəqiqə buna ehtiyac olur. Bəzən həlledici zərbəni 70-ci dəqiqədən sonra vurursan. Buna görə də səbirlə çıxış edəcəyik”.
O, Azərbaycan yığmasının Avstriyaya 1:4, Estoniya seçməsinin isə 1:2 hesabı ilə məğlub olmasına münasibət bildirib: “Sonda hər iki komanda məğlub olub. Hesab arasındakı fərqin elə böyük fərqi yoxdur. İsveçə qarşı görüşdə hesab fərqli olsa da, Azərbaycan yaxşı oynamışdı. Vurulan qollara yox, xallara görə çıxış edirik”.
