"Bakı"nın sabiq baş məşqçisi milli komandanı çalışdıracaq
“Bakı” klubunun sabiq baş məşqçisi Vinfrid Şefer karyerasını yenidən Afrikada davam etdirəcək.
Msport.az “Les Aigles Du Mali” nəşrinə istinadən xəbər verir ki, 72 yaşlı mütəxəssis Mali yığmasının sükanı arxasına keçəcək.
Almaniyalı mütəxəssis bu postda Məhəmməd Maqassoubanı əvəzləyəcək.
Onun son iş yeri Qətər çempionatında “Əl Xor” klubu olub.
Qeyd edək ki, Vinfrid Şefer 2010-cu ilin iyunundan 2011-ci ilin yanvarınadək “Bakı”nın baş məşqçisi olub. O, 2001 – 2004-cü illərdə Kamerun yığmasına rəhbərlik edib.
