Balint Veçey: “Qarabağ”la matçda bizə düzgün strategiya lazımdır”
Macarıstanın “Ferentsvaroş” komandasının yarımmüdafiəçisi Balint Veçey UEFA Çempionlar Liqasının 3-cü təsnifat mərhələsi çərçivəsində “Qarabağ”a qarşı keçirəcəkləri cavab oyunundan əvvəl fikirlərini bölüşüb.
Msport.az xəbər verir ki, o, bu gün Budapeştdə baş tutan mətbuat konfransında bunları söyləyib:
“Çox güclü komanda ilə qarşılaşacağıq. Rəqibin yaxşı hücumçuları var. Bu komandanın qarşısını almaq üçün bizə yaxşı güc və düzgün strategiya lazımdır. Azarkeşlərimizin də dəstəyi ilə öz meydanımızda daha yaxşı oynamaq istəyirik”.
Veçey müdafiə baxımından rəqibi qabaqladıqlarını sözlərinə əlavə edib: “Sürətli əks-hücumlarla onları cəzalandıra bilərik. Sabah bütün gücümüzü ortaya qoyacağıq. Matça sakit başlamaq çox vacibdir”.
