Çempionlar Liqasının daha bir oyunu Bakıda
FIBA Çempionlar Liqasında Türkiyənin “Aliağa Petkim Spor” və İsrailin “Hapoel Holon” klubları arasında pley-in seriyasının 3-cü, yəni tamam və ya davam oyunu Bakıda baş tutacaq.
Msport.az xəbər verir ki, qarşılaşma yanvarın 22-də təşkil olunacaq.
Yanvarın 7-də Bakıda “Aliağa Petkim Spor” rəqibini 82:81 hesabı ilə məğlub edərək seriyada 1:0 önə keçmişdi. Bir həftə sonra cavab oyununda isə “Hapoel Holon” 65:62 hesablı qələbəylə seriyada ümumi hesabı bərabləşdirib.
Qeyd edək ki, klublar arasındakı həlledici qarşılaşma Bakı İdman Sarayında oynanılacaq.
