Daha bir təmsilçimiz 1/4 finalda
Azərbaycanın daha bir badmintonçusu Keişa Fatimə Zəhra Bakıda keçirilən “Azerbaijan International 2024” turnirində 1/4 finala yüksəlib.
“Report” xəbər verir ki, idmançı 1/8 finalda hindistanlı Ora Şarmaya 2:0 (21-14,21-16) hesabı ilə qalib gəlib.
Beləliklə, o, 2200 reytinq xalı da əldə edib.
Badmintonçu yarımfinala yüksəlmək uğrunda Hindistanın digər təmsilçisi Anupama Upadhyaya ilə üz-üzə gələcək.
Qeyd edək ki, daha əvvəl Edi Reski Dviçayo 1/4 finala adlayıb.
