Gəncə təmsilçisindən yeni transfer
“Gəncə” basketbol klubu yeni transferini reallaşdırıb.
Msport.az klubun mətbuat xidmətinə istinadən xəbər verir ki, Azər Əzimovla 1 illik anlaşma imzalanıb.
195 sm boya malik 20 yaşlı basketbolçu müdafiəçi mövqeyində oynayır. Ötən mövsümü “Sərhədçi”də keçirən oyunçu Azərbaycanın U-20 yığmasına da dəvət alıb.
Azər Əzimov Gəncə təmsilçisində 7 nömrəli formanı geyinəcək.
Qeyd edək ki, “sarı-göylər” daha əvvəl yerli basketbolçulardan Elşad Şirzadov, Maqsud Rüstəmov, Nicat Hüseynov, əcnəbilərdən isə Lavon Holland, Kaan Yıldırımkanlı, Cordan Forbs və Marqus Gilson ilə müqavilə bağlayıb.
