Gömrük Komitəsinin sədri federasiya prezidenti seçildi
Azərbaycan Voleybol Federasiyasının yeni prezidenti məlum olub.
Msport.az xəbər verir ki, Gənclər və İdman Nazirliyinin inzibati binasında Dövlət Gömrük Komitəsinin (DGK) yeni sədri, gömrük xidməti general-leytenantı Şahin Bağırov federasiya prezidenti seçilib.
O bu postda yaxınlarda Atletika Federasiyasına rəhbərlik etməyə başlamış Cavid Qurbanovu əvəzləyib.
Yeni federasiya prezidenti bu gün Azərbaycan çempionatının 3-cülük matçı “Neftçi” – MOİK və final oyunu olan “Xarı bülbül” – “Murov” görüşlərini izləyəcək.
Qeyd edək ki, Şahin Bağırovun federasiya prezidenti olacağını ilk dəfə prosport.az
saytı yazıb.
