İlk finalçı “Sabah” oldu
“Sərhədçi” İdman Mərkəzində Azərbaycan Basketbol Liqasının pley-off mərhələsinin növbəti yarımfinal oyunu baş tutub.
Msport.az xəbər verir ki, “Xırdalan” və “Sabah” komandaları seriyanın 2-ci matçına çıxıblar.
Görüşün əvvələrində bərabər şəkildə davam edən mübarizə yekunda “Sabah” klubunun 81:62 hesablı qələbəsi ilə bitib. Bu nəticə ilə seriyada 2:0 hesabı ilə irəli çıxan bakılılar ilk finalçı olub.
Ən məhsuldar basketbolçular: “Xırdalan”dan Cessi Gi (15 xal, 5 ribaund), “Sabah”dan isə Maykl Holton (22 xal, 4 ribaund) olub.
