Kadi Borges “Krasnodar”da nə qədər qazanacaq?
Rusiyanın “Krasnodar” klubunun “Qarabağ”dan transfer etdiyi Kadi Borgesin alacağı məvacib bəlli olub.
Msport.az Rusiya mətbuatına istinadən xəbər verir ki, braziliyalı futbolçunun yeni komandasında illik maaşı 2 milyon avro təşkil edəcək.
26 yaşlı oyunçu yaxın günlərdə tibbi müayinədən keçdikdən sonra “Krasnodar”la 2026-cı ilin yayınadək nəzərdə tutulan müqavilə imzalayacaq. “Qarabağ”ın bu transferdən 5 milyon avroluq gəlir götürməsi gözlənilir.
Kadi Borges bu mövsümün ilk yarısında “Qarabağ”ın heyətində bütün turnirlər çərçivəsində keçirdiyi 31 oyunda 8 qol vurub, 11 məhsuldar ötürmə müəllifi olub.