Lebron Ceyms “All Star”ın tarixinə düşdü
“Los Anceles Leykers”in məşhur basketbolçusu Lebron Ceyms NBA tarixinə düşüb.
Msport.az Milli Basketbol Assosiyasiyasının (NBA) rəsmi saytına istinadən xəbər verir ki, 39 yaşlı oyunçu 20-ci dəfə “All Star”ın (Ulduzlar komandası) heyətinə seçilib.
Bununla da o əfsanəvi basketbolçu Kərim Əbdül Cabbarı ( 19) qabaqlayıb. Üçüncü sırada isə 18 iştirakla mərhum basketbolçu Kobe Brayant yer alır.
Qeyd edək ki, builki “All Star” oyunu fevralın 18-də İndianapolis şəhərində keçiriləcək.
