Millimiz ikinci oldu
Azərbaycanın qadınlardan ibarət 3×3 basketbol millisi Tailandda keçirilən beynəlxalq turnirdə ikinci yeri tutub.
Msport.az xəbər verir ki, Dina Ulyanova, Tatyana Deniskina, Aleksandra Mellenhauer və Mersedes Uokerdən ibarət komanda yalnız finalda məğlub olub.
Yarışın ikinci günündə, qrup mərhələsinin son oyununda “Kratex Dream” (Filippin) klubuna 21:17 hesabı ilə qalib gələn milli 1/4 finalda yerli “Sriracha Eagle” komandasını (21:11), yarımfinalda Polşa “Lotto”sunu (17:16) üstələyib.
Yığmamız həlledici görüşdə Almaniya təmsilçisi “Zus”a 15:17 hesabı ilə uduzub.
Qeyd edək ki, millimiz daha əvvəl qrupda üç oyun keçirib, bir qələbə qazanıb.
