Millimizin oyununun başlama saatı dəyişdirildi
Azərbaycanın kişilərdən ibarət basketbol millisinin 2027-ci ildə Qətərdə keçiriləcək dünya çempionatının təsnifat mərhələsinin Kosovo ilə oyununun başlama saatı dəyişdirilib.
Azərbaycan Basketbol Federasiyasının mətbuat xidmətindən Msport.az-a verilən məlumata görə, qarşılaşma fevralın 25-də, günorta saatlarında baş tutacaq.
“Sərhədçi” İdman Mərkəzində təşkil olunacaq matçın startı 19:00-a planlaşdırılırdı. Lakin görüşün saat 14:00-da başlaması qərara alınıb.
Qeyd edək ki, Azərbaycan millisi təsnifat mərhələsində ilk oyununu fevralın 22-də İsveçrəyə qarşı keçirəcək. Səfər görüşünə Bakı vaxtı ilə saat 22:00-da start veriləcək.
