NTD yenidən vahid lider oldu
Azərbaycan Basketbol Liqasında 20-ci tura start verilib.
Msport.az xəbər verir ki, turun açılış matçında NTD və “Gəncə” komandaları üz-üzə gəliblər.
“Sərhədçi” İdman Mərkəzində baş tutan qarşılaşma NTD-nin 91:85 hesablı qələbəsi ilə başa çatıb. Sözügedən komanda bu qələbə ilə yenidən çempionatın vahid liderinə çevrilib.
Ən məhsuldar oyunçular NTD-dən Ceremi Heys (28 xal, 11 ribaund), “Gəncə”dən isə Kollin Törner (23 xal, 7 ribaund) olublar.
Bu turun “AAAF Xırdalan” – “Olimpik Şəki”, “Sabah” – “Sərhədçi” və “Zirvə Astara” – “Neftçi” İK oyunları 4-5 martda keçiriləcək
