Ovusu Macarıstan klubu ilə müqavilə imzaladı
“Qarabağ”ın futbolçusu Kvabena Ovusu Macarıstanın “Ferentsvaroş” klubu ilə müqavilə imzalayıb.
Msport.az xəbər verir ki, Budapeştə yollanan qanalı hücumçu rəsmi sözləşməyə imza atıb. Macarsıtanlı jurnalist Budai Laslo “tvitter” hesabında bu barədə paylaşım edib. Onun sözlərinə görə, klublar anlaşa bilsə, hücumçi qışda da Budapeşt komandasına qoşula bilər.
Lakin son məlumata görə, 25 yaşlı forvard mövsümün sonuna kimi “Qarabağ”da çıxış edib yayda “Ferentsvaroş”a gedəcək. O, yayda artıq azad agentə çevriləcək.
Xatırladaq ki, 2020-ci ildən “Qarabağ”da çıxış edən Kvabena Ovusunun Ağdam klubu ilə müqaviləsi bu ilin yayında başa çatacaq.
