Qara Qarayev şəhid qızını doğum günündə təbrik etdi - FOTO
“Qarabağ”ın futbolçusu Qara Qarayev şəhid Elnur Hacıyevin qızı Hicranla görəşərək onu doğum günü münasibəti ilə təbrik edib.
Msport.az xəbər verir ki, bu barədə yarımmüdafiəçi sosial şəbəkə hesabında paylaşım edib. Qara Hicrana öz formasını hədiyyə edib.
Qeyd edək ki, mayor Elnur Hacyev 17 oktyabr 2020-ci ildə Füzuli uğurunda döyüşlərdə şəhid olub. Prezident İlham Əliyevin sərəncamına əsasən Elnur Hacıyev ölümündən sonra “Vətən uğrunda” medalı ilə təltif edilib. Bundan başqa, o, 3-cü dərəcəli “Vətənə xidmətə görə” ordeni ilə təltif edilib.
