"Qarabağ"ın "Viktoriya Plzen"lə oyunları nə vaxt, saat neçədə?
“Qarabağ”ın UEFA Çempionlar Liqasının pley-off mərhələsində “Viktoriya” (Plzen) klubuna qarşı keçirəcəyi oyunların təqvimi açıqlanıb.
Msport.az xəbər verir ki, Ağdam klubu ilk matçını avqustun 17-də Bakıda keçirəcək. Tofiq Bəhramov adına Respublika stadionunda olacaq görüş saat 20:45-də başlayacaq.
Komandalar arasında cavab qarşılaşması isə avqustun 23-də Plzendə olacaq. Oyun Bakı vaxtı ilə saat 23:00-da başlayacaq.
Qeyd edək ki, “Qarabağ” III təsnifat mərhələsində Macarıstan “Ferentsvaroş”unu mübarizədən kənarlaşdırıb.
