“Qəbələ”nin məşqində özəl qonaq - FOTO
“Qəbələ” Misli Premyer Liqasının 2022/23 mövsümünə avqustun 8-də start verəcək.
Msport.az xəbər verir ki, “qırmızı-qaralar” 1-ci turun son görüşündə “Turan Tovuz”la qarşılaşacaq.
Baş məşqçi Elmar Baxşıyevin yetirmələri oyunun hazırlığını bugünkü məşqlə başa vurub. Komanda sabah matçın keçiriləcəyi Tovuza yola düşəcək. “Qırmızı-qaralar” son məşqlərini Tovuz şəhər stadionunda gerçəkləşdirəcək.
Xatırladaq ki, avqustun 8-də baş tutacaq qarşılaşmaya saat 17:00-da start veriləcək.
Yeri gəlmişkən, “Qəbələ”nin bu gün baş tutan məşqində özəl qonaq da olub – Asafe Santos. Komandanın yeni transferlərindən olan Felipe Santos məşqə oğlunu da gətirib. Əyalət klubu onun fotolarını sosial şəbəkə hesabında paylaşıb.
