Şeydayev ruslara bəyəndiklərindən danışdı - Blitz müsahibə
“Soçi”yə transfer millimizin sabiq üzvü Ramil Şeydayev klubun rəsmi səhifəsinə blitz müsahibə verib.
Msport.az xəbər verir ki, 30 yaşlı forvardın müsahibəsini təqdim edir.
-Karyeranda vurduğun ən vacib qol?
-“Qarabağ”da “Olimpiakos”a vurduğum qol.
-Oynadığın ən yaxşı stadion?
– Yəqin ki, “Metropolitano”. (“Atletiko”nun ev oyunlarını keçirdiyi Madriddəki “Metropolitano” nəzərdə tutulur-red.).
– Karyeran ərzində ən yaxşı komanda yoldaşın?
– Real olaraq ən çox xoşuma gələn Miqel Dani idi. Mən onun necə oynamasından həzz alırdım. (Portuqaliyalı futbolçu 2008-2017-ci illərdə “Zenit”də çıxış edib – red.).
– Ona qarşı oynadığın ən güclü müdafiəçi?
– Mats Hummels.
-Çıxış etdiyin ölkələr arasında yaşamaq üçün ən yaxşı ölkə?
– Azərbaycan və Rusiya. Mənim üçün əsas komfort ölkələr bunlardır.
– Rusiya, Türkiyə, Slovakiya, Azərbaycan, Tailand. Ən dadlı yeməklər hansı ölkədədir?
– Azərbaycanda.
– Ən qızğın futbol atmosferi olan stadion?
– Yəqin ki, “Olimpiakos”un ev oyunlarını keçirdiyi arena.
– Karyeranda ən qiymətli titul?
– U-17-lər arasında Avropa çempionatının kuboku.
– Sənin karyerana daha çox təsir gəstərən məşqçi?
– Dmitri Xomuxa, Vladislav Radimov və böyük futbolda “Qarabağ”ın baş məşqçisi Qurban Qurbanov.
– Karyeranda ən qeyri-adi səfər.
– Farer adaları.
– Hər hansı bir oyunun yenidən keçirilməsi imkanı olsaydı, hansı matçı seçərdin?
– Bu “Qarabağ”la Belçika “Gent”nə qarşı oyun olardı. Avropa Liqasında 1/16 final mərhələsində oynayırdıq və 1/8 finala vəsiqə qazana bilmədik.
