Son çempion finalın bir addımlığında
Bu gün basketbol üzrə Azərbaycan çempionatında yarımfinal mərhələsinin növbəti matçı keçiriləcək.
Msport.az xəbər verir ki, seriyanın ikinci oyununda “Xırdalan” və “Sabah” komandaları üz-üzə gələcəklər. “Sərhədçi” İdman Mərkəzində baş tuatacaq görüş 19:30-da start götürəcək.
Komandalar arasında keçirilmiş ilk görüşdə bakılılar 101:85 hesabı ilə qalib gəliblər.
“Sabah” bu gün də qələbə qazansa, adını finala yazdıracaq. Qarşılaşma “Xırdalan”ın üstünlüyü ilə bitərsə, mayın 13-də seriyanın üçüncü matçı oynanılacaq.
