“Sumqayıt”ın rəqibi dəyişdi
Yanvarın 5-dən Türkiyənin Antalya şəhərində təlim-məşq toplanışında olan “Sumqayıt”ın hazırlıq planında dəyişiklik olub.
Msport.az xəbər verir ki, Samir Abasovun rəhbərlik etdiyi komanda ilk yoxlama oyununu Macarıstan təmsilçisi “Mezököveşt” ilə deyil, Serbiyanın “Radnik” klubuna qarşı keçirəcək.
Qeyd edək ki, “Topkapı” hotelinin meydançasında keçiriləcək qarşılaşma yanvarın 12-də Bakı vaxtı ilə saat 17:00-da start götürəcək.
