"Sumqayıt" təkliflər alan futbolçusu ilə müqavilə bağladı
“Sumqayıt” Murad Xaçayevi heyətində saxlaya bilib. Msport.az klubun mətbuat xidmətinə istinadən xəbər verir ki, 25 yaşlı futbolçu ilə 2+1 illik müqavilə imzalanıb.
Qeyd edək ki, yarımmüdafiəçi 2018-ci ildən “Sumqayıt”ın şərəfini qoruyur. Bu müddət ərzində 84 oyunda meydana çıxan Xaçayev 6 dəfə fəqlənib.
Mövsüm başa çatdıqdan sonra Xaçayevə Premyer Liqanın bir çox klublarından dəvət var idi. Amma o, karyerasını “Sumqayıt”da davam etdirmək qərarını verib.
