“Zirvə Astara” “Neftçi”ni məğlub etdi
“Sərhədçi” İdman Mərkəzində Azərbaycan Basketbol Liqasının 27-ci turunun açılış matçı keçirilib.
Msport.az xəbər verir ki, pley-offdan kənarda qalmış “Neftçi” İK və “Zirvə Astara” klubları qarşılaşıblar. Əyalət komandası rəqibini 103:90 hesabı ilə məğlub edib.
Ən məhsuldar basketbolçular “Neftçi”dən Zaur Quşanov (27 xal, 9 ribaund), “Zirvə”dən isə Cerret Henderson (32 xal, 8 ribaund) olub.
Turun digər oyunları (“Sərhədçi” – “Sabah”, “Gəncə” – NTD, “Olimpik Şəki” – “AAAF Xırdalan”) 20, 22 və 23 apreldə baş tutacaq.
