Azərbaycanlı hakim Ermənistanın oyununa təyinat aldı
Azərbaycanlı futzal hakimi Hikmət Qafarlı Avropa çempionatının final mərhələsinə təyinat alıb.
Msport.az xəbər verir ki, məlumatı Azərbaycan Futzal Federasiyasının mətbuat xidməti yayıb.
Həmyerlimiz Ermənistan millisinin oyununa təyinat alıb. O, bu gün baş tutacaq Ermənistan – Ukrayna matçında “taymkiper” kimi hakimlər briqadasına kömək edəcək.
Bu, FIFA referisinin Avropa çempionatının final mərhələsinə ilk təyinatıdır.
