Komandamızın avrokubok oyununda azərbaycanlı hakim-inspektor
Avropa Voleybol Konfederasiyası Azərbaycan Voleybol Federasiyasının (AVF) baş koordinatoru Zöhrab Gözəlbəyliyə növbəti dəfə etimad göstərib.
Federasiyanın mətbuat xidmətindən Msport.az saytına verilən məlumata görə, o, kişi voleybolçular arasında Çağırış Kubokunun 1/16 final matçının supervayzeri təyin edilib.
Z. Gözəlbəyli noyabrın 21-də Bakıda “Xarı Bülbül Şuşa” və Yunanıstanın “Panatinaikos ATHENS” klubları arasında keçiriləcək qarşılaşmada hakimlərin işinə qiymət verəcək.
Qeyd edək ki, görüşün hakimləri türkiyəli Ramazan Çevik və monteneqrolu Yelena Mitroviç olacaq.
