Millimizin oyununda özbəkistanlı hakimlər
“FIFA Series – 2026” çərçivəsində bu gün keçiriləcək Azərbaycan – Syerra Leone oyununun hakimləri açıqlanıb.
Msport.az xəbər verir ki, matç Özbəkistandan olan hakimlər briqadasına həvalə olunub.
Oyununu Asker Najafaliyev idarə edəcək. Ona yan xətdə həmyerliləri İslom Azimov, Baxtiyorxuja Şavkatov kömək edəcəklər.
Dördüncü hakim funksiyasını Axrol Ruskullayev yerinə yetirəcək.
Qeyd edək ki, oyun bu gün Mehdi Hüseynzadə adına Sumqayıt şəhər stadionunda keçiriləcək və saat 19:00-da başlayacaq.
