“Neftçi”nin rəqibi daha bir Latviya klubunu məğlub etdi
“Neftçi”nin UEFA Konfrans Liqasının II təsnifat mərhələsindəki rəqibi “Aris” növbəti yoxlama matçını keçirib.
Msport.az klubun rəsmi saytına istinadən xəbər verir ki, Kipr təmsilçisi Latviyanın “Skantes” komandası ilə qarşılaşıb.Oyun “Aris”in qələbəsi ilə baçşa çatıb – 3:1.
“Aris”in qollarını Sikorski, Struski vurub. Qollardan biri avtoqol kimi qeydə alınıb.
“Aris”in start heyəti: Sofroniou, Stiv Yaqo, Frants Brorsson, Delmiro, Yulius Syöke, Morqan Broun, Karol Struski, Mayambela, Martin Sloqar, Daniel Sikorski.
Limassol təmsilçisi Latviyadakı ilk sınaq oyununda yerli “Riqa”nı 4:0 hesabıyla məğlub etmişdi.
“Neftçi” “Aris”lə iyulun 21-də səfərdə, 28-də isə Bakıda qarşılaşacaq.
