“Neftçi” Qara Qarayevin transferini açıqladı
“Neftçi” transfer işlərini davam etdirir.
Msport.az xəbər verir ki, Bakı təmsilçisi milli komandamızın sabiq üzvü Qara Qarayevlə 2+1 il şərtli müqavilə bağlayıb. 30 yaşlı dayaq yarımmüdafiəçisi “ağ-qaralar”ın heyətində 2 nömrəli formanı geyinəcək.
Qara Qarayev karyerası ərzində yalnız “Qarabağ” klubunda çıxış edib. O, 2008-ci ildən oynadığı Ağdam təmsilçisi ilə 9 dəfə Azərbaycan çempionatının, 4 dəfə isə ölkə kubokunun qalibi olub. Milli komandamızın heyətində 76 oyun keçirib.
Qeyd edək ki, “Neftçi” bundan əvvəl milli komandamızın üzvləri – qapıçı Emil Balayevi, Xorvatiya əsilli yarımmüdafiəçi Filip Ozobiçi, həmçinin mərkəz müdafiəçiləri – braziliyalı Yuri Matiası və macarıstanlı Mark Tamaşı transfer edib.
