“Qarabağ” Bakıya qayıtdı - FOTOLAR
UEFA Çempionlar Liqasının 2-ci təsnifat mərhələsi çərçivəsində İsveçrədə “Sürix”lə qarşılaşan və 2:2 hesablı heç-heçə edən “Qarabağ” Bakıya qayıdıb.
Msport.az xəbər verir ki, Ağdam təmsilçisini Heydər Əliyev Beynəlxalq Aeroportunda azarkeşlər qarşılayıblar.
Xatırladaq ki, Bakıda “Sürix”i 3:2 hesabı ilə məğlub edən “Qarabağ” səfərdə də heç-heçə etməklə mərhələ adlayıb. Qurban Qurbanovun komandası ÇL-in 3-cü təsnifat mərhələsində Macarıstanın “Ferentsvaroş” klubu ilə üz-üzə gələcək. Azərbaycan təmsilçisi ilk matçını avqustun 3-də Bakıda, cavab qarşılaşmasını isə avqustun 9-da Budapeştdə keçirəcək.
