“Qarabağ”ın macarlarla cavab oyunu ispanlara tapşırıldı
Macarıstan çempionu “Ferentsvaroş”la “Qarabağ” arasında keçiriləcək UEFA Çempionlar Liqasının 3-cü təsnifat mərhələsinin cavab oyunu üçün təyinatlar açıqlanıb.
Msport.az UEFA-nın rəsmi saytına istinadən xəbər verir ki, Budapeştdəkı oyunu İspaniyadan olan hakimlər briqadası idarə edəcək.
Baş hakim Karlos del Serro Qrande olacaq. Ona yan xətt hakimləri Xose Naranxo və Qonsalo Qarsiya Qonsales kömək edəcək. Dördüncü hakim funksiyasını Migel Anxel Ortis Arias yerinə yetirəcək.
Avqustun 9-da baş tutacaq bu matça saat 22:00-da start veriləcək. İlk görüş avqustun 3-də Tofiq Bəhramov adına Respublika stadionunda keçiriləcək. Həmin oyunu isə İsveçdən olan hakimlər idarə edəcəklər.
