Qurban Qurbanov "Qarabağ"ı "Atletiko"ya qarşı necə motivasiya edib? - Donald Gerye xatırlayır
“Qarabağ”ın sabiq müdafiəçisi Donald Gerye Polşa mətbuatına müsahibə verib.
Msport.az xəbər verir ki, TVP Sport”a müsahibəsində haitili oyunçu 2017-ci ilin oktyabrında Çempionlar Liqasının qrup mərhələsində “Atletiko” ilə heç-heçə etdikləri səfər matçını (1:1) da xatırladıb:
“Oyundan əvvəl Qurbanov bizi təlimatlandırmağa apardı. O, rəqibin videoanalizini göstərdi və necə oynayacağımızı söylədi. Bir müddət paltardəyişmə otağında qalmağımızı istədi. “Siz bunu özünüz, klub üçün etmirsiz, indi sizə göstərəcəm nə üçün edirsiz” dedi. Sonra Ağdam haqda videoyazı göstərdi. Uşaqların ağlaması, şəhərin bombalanması, dəfn mərasimləri, matəm… “Bu insanlar “Qarabağ”ın “Atletiko”ya qol vurduğunu görəndə gülümsəməyə başlayacaqlar” deyə, əlavə etdi. “Atletiko” ilə matça “Barselona” kimi çıxdıq. Və oyun 1:1 hesabıyla başa çatdı”.
