Stolüstü tennisçimiz Çinə yollandı
Azərbaycanın stolüstü tennisçisi Onur Quluzadə ustalıq səviyyəsinin artırılması məqsədi ilə daha bir beynəlxlaq təlim-məşq toplanışında iştirak edir.
Msport.az xəbər verir ki, o, məşqçi Mixail Timofeyevin rəhbərliyi ilə Çinin “Hebei Zhenqdinq Stolüstü Tennis Təlim Bazası”nda hazırlıq prosesi keçir.
Bu gün start götürən toplanış noyabrın 26-dək davam edəcək. Quluzadə daha sonra noyabrın 28-dən dekabrın 3-dək Rusiyanın Sankt-Peterburq şəhərində baş tutacaq beynəlxalq yarışa qatılacaq.
