"Sürix" bu gün Bakı Olimpiya Stadionunda məşq etdi - VİDEO
Bu gün Tofiq Bəhramov adına Respublika stadionunda “Qarabağ”la qarşılaşacaq “Sürix” səhər saatlarında məşqə çıxıb.
Msport.az klubun rəsmi saytına istinadən xəbər verir ki, İsveçrə klubu Bakı Olimpiya Stadionunun ehtiyat meydançasında hazırlıq keçib. Adətən komandalar oyundan bir gün əvvəl matçın keçiriləcəyi stadionda məşq edirlər. Franko Fodanın komandası da dünən axşam saatlarında Tofiq Bəhramov adına respublika stadionunda məşqə çıxıb. Görünür, Bakının hava şəraitinə, istisinə öyrəşmək üçün “Sürix” bu gün səhər də hazırlıq keçməyi lazım bilib.
Xatırladaq ki, “Qarabağ” – “Sürix” görüşü bu gün saat 20:00-da start götürəcək.
