Şuşa təmsilçisi Çelenc Kubokuna qələbə ilə başladı
Kişi voleybolçulardan ibarət “Xarı Bülbül” komandası Çelenc Kubokunda mübarizəyə başlayıb.
Msport.az xəbər verir ki, Şuşa təmsilçisi 1/32 final mərhələsinin ilk oyununda Slovakiyanın “TJ Spartak” klubu ilə üz-üzə gəlib.
Bakıdakı Voleybol Mərkəzində reallaşan qarşılaşma Azərbaycan komandasının 3:0 (25:23, 25:21, 27:25) hesablı qələbəsi ilə yekunlaşıb.
Cavab görüşü sabah eyni arenada gerçəkləşəcək.
