Təmkinlə Ruslan “Makkabi”yə qarşı oynamayacaq
“Slavik Alxasovu əvvəl də transfer etmək istəmişik”.
Msport.az xəbər verir ki, bunu “Zirə”nin baş məşqçisi Rəşad Sadıqov “Makkabi” ilə matçdan əvvəl keçirilən mətbuat konfransında deyib:
“Həmin vaxt o, “Sabah”a keçdi. Bəyəndiyim futbolçulardandır. Onun bizə gəlişi Təmkin Xəlilzadənin cəzalı olub “Makkabi”yə qarşı oynamaması ilə bağlı deyil. Rəqabət nə qədər çox olsa, daha yaxşıdır”.
Sadıqovu digər müdafiəçi Ruslan Abışovun da Təl-Əviv klubuna qarşı oynamayacağını söyləyib: “Ruslan zədəlidir və “Makkabi” ilə oyunlarda “Zirə”yə kömək edə bilməyəcək. Onun yoxluğu bizim üçün itkidir. Təcrübəli, usta futbolçudur. Lakin zədəli olduğu üçün 10-15 gün oynaya bilməyəcək”.
