Təmsilçimiz Yunanıstan klubuna qarşı
Kişi voleybolçulardan ibarət “Xarı Bülbül” Çelenc kubokunda bu gün növbəti oyununu keçirəcək.
Msport.az-ın məlumatına görə, Şuşa təmsilçisi 1/16 finalda ilk matçına çıxacaq.
Ziya Rəcəbovun baş məşqçisi olduğu kollektiv Bakıda Yunanıstanın “Panatinaikos” klubu ilə üz-üzə gələcək. Gənclər və İdman Nazirliyinin Voleybol Mərkəzində baş tutacaq qarşılaşmaya saat 19:00-da start veriləcək.
Afina təmsilçisi ilə cavab görüşü noyabrın 29-da Yunanıstanda reallaşacaq.
Qeyd edək ki, “Xarı Bülbül” Çelenc kubokunun 1/32 finalında Slovakiyanın “Spartak” komandasını hər iki görüşdə məğlub edib (3:0, 3:1).
