“Turan Tovuz” Gürcüstana gedəsi oldu
2022/2023 mövsümünün hazırlıqlarını davam etdirən “Turan Tovuz” təlim-məşq toplanışının növbəti mərhələsi üçün Gürcüstana yollanacaq.
Msport.az klubun mətbuat xidmətinə istinadən xəbər verir ki, iyulun 20-də Tbilisiyə yola düşəcək Ayxan Abbasovun komandası “Zedazeni” otelində məşkunlaşacaq.
İyulun 30-a dək davam edəcək təlim-məşq toplanışı çərçivəsində 3 yoxlama oyununun keçirilməsi nəzərdə tutulub. Rəqiblərin kimliyi haqda məlumat veriləcək.
