"Turan Tovuz" "Neftçi"nin bazasında hazırlıq keçəcək
Premyer Liqanın debütantı “Turan Tovuz” çempionatın hazırlıqlarına start verir.
Msport.az klubun mətbuat xidmətinə istinadən xəbər verir ki, hazırda Tovuz şəhər stadionunda ot örtüyü yeniləndiyindən komanda təlim-məşq toplanışının ilk iki mərhələsini Bakıda həyata keçirəcək.
Ayxan Abbasovun rəhbərliyi altında bu gündən etibarən “Türk Hava Yolları Futbol Mərkəzi”ndə 5 günlük seleksiya xarakterli ilk mərhələ start götürəcək. Daha sonra, komanda koplektləşmiş heyətlə ayın 27-də yenidən bir araya gələcək.
