De Byazi Bakıya nə vaxt qayıdacaq?
AÇ-2024-ün seçmə mərhələsi çərçivəsində ötən ay Avstriya və İsveçə uduzan, iki oyunda qapısında 9 qol görən millimizin baş məşqçisi Canni De Byazi hələ də Bakıya qayıtmayıb.
Msport.az xəbər verir ki, italiyalı mütəxəssis Stokholmdan birbaşa vətəninə yollanmışdı. Maraqlıdır, yığmamızın çalışdırıcısı nə zaman Azərbaycana dönəcək?
AFFA-nın Mətbuat və İctimaiyyətlə əlaqələr Departamentinin rəhbəri Firuz Aabdulla 66 yaşlı mütəxəssisin aprelin 17-də gələcəyini bildirib:
“Məndə olan məlumata görə, Canni de Byazi aprelin 17-də Bakıya dönməlidi. Hesabatı da Azərbaycana gələndən sonra təqdim edəcək. İcraiyyə Komitəsinin iclası? Hələ ki bu haqda hansısa məlumat yoxdu”. (Futbol+)
